يخاوتي الهدرة كثرت *وخاطري طايش وزهري مكسر
لصاحب لاحبيب في حالي يخزر* لاطالب لاطبيب لمنامي يعبر
كل مانشوف باب مفتوح عليا يصكر*كي نلحق ليه جوي يتعكر
مانعرف لاتكون ناصية شر*ولافرجة ربي عليا مزال متضهر
انا قلبي تكوى ومعاد يطيق صبر*دابة روحي وراه بان عليا الضر
ياربي ياخاقي ادا دنبة اغفر *وسهل امري باش نبقى حر
ياعالم لسرار قلي وين السر*نحسة ولاعينولاسحر معقر
في شجرة في حجرة ولا تحت قبر *في عشة في طريق ولا في قفل مسكر
وجعيكل مانقول برا يزيد يصطر*وجرحي كل مانقول برى بالدم يتفجر
ياعجابة السكر يرجع في فمي مر *ولي ندير فيه الخير يرجعلي شر
قادر ربي يفرج عليا ويبشر*وينعم عليا قدام خلقو ويجهر
ندخل دار الخير ونلقى الخير ننسى ماعنيت وكسري يتجبر
في وقت مزير
ننسى ماعنيت وقلبي تعمر *فكرى وحدة مقنعى وهي نهجر*نفارق لحباب وعلاه نحبر
عارف بلي المكتوب في الجبين مسطر*بالسيف نعاديه في سر وضر
راني نحوس على عالم يفسر *نحوس نعرف راني ندقدم ولا نتوخل
انضن ربي بالمحاين فيا يطهر *يغسل فيا بصابون الضر
ربي يا خالقي ليك نستغفر *راني برك نقول مانحس مانشعر
مخي حبس وقال مانزيد نفكر*وقلبي حار فيا وهو متحير
العام الي نقول فيه نربح نخسر *لااله الا الله والله واكبر *ضاق علي حالي راني نعبر نطلب ربي بيا يبشر ويحفضني من كل هالك مدمر

اللهم أمين
ماشاء الله ربي يحفظك من كل سوء
قصيدة شعبية رائعة